Në seancën e sotme gjyqësore mes të penduarit të drejtësisë dhe bashkëpunëtorëve të tij të mëparshëm, janë zbardhur detaje të reja nga ngjarje të bujshme kriminale në të cilat ata kanë marrë pjesë.
Në mesin e atentateve të bëra ndaj personave të njohur, mes tyre është përmendur dhe tentative për ekzektuitmin e Lulzim Mashës, pronarin e shkollës private “Wilson” në Tiranë.
Henrik Hoxhaj, i njohur ndryshe si “ushtar” i Nuredin Dumanit, ndryshe nga Dumani, në gjyq deklaroi se ka marrë porosi 200 mijë euro për të hequr qafe Lulzim Mashën ndërsa porosia real e këtioj ekzekutimi ka qenë vrasja e djalit të tij.
“E ndërrove porosinë, ishte për djalin e tij. Arsyeja pse, ishte se djali ishte në Maqedoni. Informacionet për hyrje – daljet e tij janë marrë nga “Sakati” (Aleksandër Baho). Shuma ishte 150 mijë euro. Kur djali do vinte, kishte 200 mijë euro me vete. Lekët që do merreshin do ishin ekstra. Kemi pritur gati 1 vit për ta bërë. Në mungesë të djalit ishim të detyruar të vrisnim babain që të vinte në varrim”, është shprehur Henrik Hoxhaj.
Kujtojmë se atenati i dështuar ndaj Lulzim Mashës u realizua në 18 janar 2022, ku një person qëlloi me armë zjarri ndaj makinës së tij. Pas kësaj ngjarje fatmirësisht pronari i shkollës “Ëilson” arriti të shpëtonte.
Për rrjedhojë u vu në pranga 31-vjeçari Skerdi Tasi, i akuzuar për “Vrasje me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit.
Debati në sallën e gjyqit mes avokatit, Henrik Hoxhaj dhe Nuredin Dumanit:
Avokati: Sa i ke premtuar Henrikut për vrasjen e Mashës?
Nuredin Dumani: I kam premtuar 150 mijë euro. I dhashë 10 mijë euro paradhënie.
Henrik Hoxha nga kafazi: Është marrë porosia për djalin e Lulëzim Mashës. Nuk u gjend ai dhe pastaj shkoi porosia për Lulëzim Mashën, që ai të vinte tek varrimi.
Porosia ishte nga sakati, Aleksandër Baho.
Avokati: Ishe në Kosovë kur i dhe këtë porosi Henrikut?
Nuredin Dumani: Po, në Kosovë. Nuk mbaj mend me çfarë fola me të. Aplikacionin Matrix e kam marrë kur ka dalë. Në SKY kam pasur pseudonimet “Alkatraz”, “Covid19” dhe “Toto Rina”. Këto edhe në Matrix. Henrikut s’e mbaj mend si e kishte emrin në SKY, por unë ja kisha vënë “Baftjari”.
Avokati: A të ka takuar ndonjëherë në Kosovë, Aleksandër Baho?
Nuredin Dumani: Po, disa herë. Ka ardhur me makinat e veta, njëherë me një CLS, njëherë me një Audi A8. Ka ardhur edhe për qef në Kosovë, të takohej me mua. Porosinë për Lulëzim Mashën ma la dhënë Suel Çela. Më tha, që e ka për persona të tjerë. Përveç Çelës për këtë vrasje kam folur me Aleksandër Bahon. Komunikimi im me Suel Çelën. Kontaktin ma ka dhënë Fatmir Troplini.
Avokati: Ju keni thënë që Sueli ka rrahur Arben Lazen?
Nuredin Dumani: Po.
Avokati: Pse more porosinë e Suelit?
Nuredin Dumani: Për interes. Fillimisht për 150 mijë euro e pastaj për 200.
Avokati: Të ka treguar Baho si njihej me Suel Çelën?
Nuredin Dumani: Jo. Sueli nuk më ka treguar ndonjëherë për arsyen e kësaj porosie. Kur i tregova Henrikut, më tha që e njoh (Lulzim Mashën) dhe që është plak i mbaruar. Punën ja dhashë Henrikut. I kam dhënë disa mjete për këtë punë, nhë golf4, dy armë, një “uzi” pistol dhe një pistoletë 19mm.
Henrik Hoxhaj – Dumanit: Nga e ke marrë porosinë për familjen Masha? E ndërrove porosinë, ishte për djalin e tij. Arsyeja pse, ishte se djali ishte në Maqedoni. Informacionet për hyrje – daljet e tij janë marrë nga “Sakati” (Aleksandër Baho). Shuma ishte 150 mijë euro. Kur djali do vinte, kishte 200 mijë euro me vete. Lekët që do merreshin do ishin ekstra. Kemi pritur gati 1 vit për ta bërë. Në mungesë të djalit ishim të detyruar të vrisnim babain që të vinte në varrim.
Avokati: A të ka kërkuar Aleksandër Baho të vrasësh Lulzim Mashën për llogari të personave të tjerë?
Dumani: Jo. Më ka kërkuar që të mos them se kemi kontakt bashkë.
Avokati: Ti ke deklaruar se të ka kërkuar Aleksandër Baho që të vrisje Lulzim Mashën.
Dumani: Suel Çela do të bëjë një punë më ne më tha. Ma tha Aleksandër Baho kur ka ardhur në Kosovë. Nuk i kam folur Suel Çelës për Henrik Hoxhaj. Në dijeninë time Sueli me Henrikun nuk kanë folur, por fshehtas, po. Në momentin që u plagosa unë, kanë folur bashkë. Kam pasur dy telefona, Sueli e hoqi Matrix, pas vrasjes së Bled Muçës.
9-vjeçari me dy krahët e prera/ Kjo është fotoja e vitit, e zgjedhur nga World Press Photo!