Policia e Shkodrës tha se në makinën ku udhëtonte viktima Hamza Lici dhe i plagosuri rëndë Arlind Bushati, janë gjetur tre armë zjarri pistoletë.
Tritol, kërcënim, vepra të rënda penale/ VOA për atentatin në Shkodër: Ja çfarë dyshohet
Ndërsa në njëmakinë të djegur plotësisht në fshatin Golem, që dyshohet të jetë e autorëve, u gjetën dy armë automatike.
Dy persona mbetën të vrarë dhe dy të tjerë të plagosur gjatë një atentati pasditen e së mërkurës, rreth orës 13 e 50, në aksin rrugor Shkodër-Koplik, në vendin e quajtur Dobraç.
Në shënjestër të atentatit dyshohet se ishin Hamza Lici, i cili ka mbetur i vrarë, dhe Arlind Bushati i plagosur në gjendje të rëndë në spitalin e qytetit. Sipas një njoftimi paraprak nga policia, të dy udhëtonin në një makinë benz, me targa belge, kur u qëlluan nga një makinë tjetër në lëvizje. Automjeti benz dyshohet se ka humbur kontrollin dhe, për pasojë, ka përplasur një motoçikletë me të cilën udhëtonin shtetasi B.B dhe bashkëshortja e tij shtetasja F.B. Si pasojë e përplasjes ka ndërruar jetë shtetasja F.B, ndërsa bashkëshorti i saj ndodhet në gjendje të rëndë në spital.
Cilat janë pistat ku po heton policia për atentatin tragjik në Shkodër? Befason gazetarja
Shkodër/Informacion shtesë
Në vijim të informacionit të dhënë më parë për ngjarjen e ndodhur në aksin rrugor “Shkodër-Koplik”, në Dobraç, ju informojmë se:
Nga kontrolli i ushtruar në automjetin që udhëtonin shtetasit H. L., dhe A. B., u gjetën 3 armë zjarri (pistoleta).
Ndërkohë shërbimet e Policisë gjatë kontrollit të zonës për kapjen e autorëve, në fshatin Golem kanë konstatuar të djegur plotësisht një automjet tip “Range Rover” dhe 2 armë zjarri automatike.
Grupi i posaçëm hetimor në drejtimin e Prokurorisë së Shkodrës, po vijon punën për zbardhjen e rrethanave, sigurimin e provave me qëllim dokumentimin ligjor të ngjarjes, identifikimin dhe kapjen e autorëve.