SHBA– Aktorja e mirënjohur Emma Stone ka hyrë në histori të Çmimeve Oscar, duke thyer një rekord që prej dekadash mbahej nga Meryl Streep.
Pas shpalljes së nominimeve për Oscar 2026, 37-vjeçarja u bë gruaja më e re në historinë e Akademisë që arrin shtatë nominime në total.
Këtë vit, ajo është nominuar për Aktoren më të Mirë për rolin e saj në filmin “Bugonia” të regjisorit Yorgos Lanthimos. Po ashtu, ajo ka marrë edhe një nominim si producente, pasi filmi konkurron edhe në kategorinë “Filmi më i Mirë”.
Me këto dy nominime, Stone ka kaluar rekordin e Meryl Streep, e cila kishte arritur nominimin e saj të shtatë në moshën 38-vjeçare në vitin 1988. Megjithatë, Streep mbetet aktorja më e nominuar në historinë e Oscars, me plot 21 nominime dhe tre fitore.