Artistja e preferuar e publikut shqiptar, Soni Malaj ka treguar një aspekt interesant të procesit të saj krijues. Ajo ka zbuluar se besimi i saj në Zot ndikon drejtpërdrejt në disa tekste këngësh që interpreton.
Ne ‘X Factor’, Soni pranoi se kishte bërë disa ndryshime në tekstin e këngës “Highway to Paradise” për shkak të bindjeve të saj fetare. “Si besimtare, nuk na shkonte ai tekst. Kam bërë disa shkurtime në vargje për ta përshtatur me parimet e mia,” u shpreh ajo.
E habitur, Alketa e pyeti nëse kjo ishte për arsye besimi, dhe Soni konfirmoi: “Po, është çështje besimi. Nuk kemi pse të admirojmë entitete të tjera kur jemi të Zotit.” Ky detaj i ndanë nga Soni shton një dimension të ri në interpretimin e saj artistik dhe tregon përkushtimin e saj ndaj vlerave shpirtërore.