Gazetari Artan Hoxha i akuzuar nga SPAK për lidhje me kreun e një organizate kriminale, Suel Çelën, theu heshtjen në emisionin ‘Të Paekspozuarit’ dhe denoncoi me tone të ashpra se kreu i organizatës nuk është Suel Çela por kryeministri i vendit dhe se kjo qeveri komandon krimin e organizuar dhe jo krimi i organizuar qeverinë.
Ai tha se krimi i organizuar janë mafia që po të dojë kryeministri i fshinë nga faqja e dheut, ndërsa theksoi se plumbin e fundit nuk e mban për të vrarë veten prandaj nuk e nxjerrin dot nga loja kaq lehtë.
“E kam thënë se në Shqipëri ka vetëm një grup të rrezikshëm dhe është kryeministri i vendit, dhe duke qenë se kam vazhduar po vuaj sot pasojat. Në Shqipëri sot e komandon qeveria krimin e organizuar dhe jo anasjelltas.
Në 2017 çfarë ndodhi, Saimir Tahiri mori faturën e kanabizimin dhe Ilir Meta, ikën ata, dhe në 2021 çfarë ndodhi për shkak të akuzave të forta që kishte qeveria që përkonin dhe me akuzat e opozitës unë kam furnizuar mediat me burime dhe nëse do hetohen unë kam komunikuar në çdo organizatë të madhe kriminale, por nëse hetohen Suel Çela nuk është bosi i madh por një tjetër më i madh se ky.
Në 2021 po ta mbash mend çfarë ndodhi në Elbasan, Sueli ka punuar për qeverinë, maxhoranacën, Elbasani ka një të veçantë për zgjedhjet e 2023 ka më të votuarit nga maxhoranca, aty është goditur, masakruar LSI dhe e gjithë kjo narrativë që bëhet sot, në 2021 për të shkëputur lidhjet e u krijua operacioni OFL të cilin e kam denoncuar si një operacion makijazhi se Rama mori mandatin sepse operacioni nisi në 2020 dhe sot ku jemi, jemi para zgjedhjeve të 2025.
Po bëhet sërish një operacion dhe të gjitha grupet që po goditen janë ato grupe që janë akuzuar për lidhje me maxhorancën që është sot, dhe kanë qenë të përfshira duke ndikuar në mandatin e tretë të kësaj qeverie. Tani si duhen më ata qeverisë dhe do që ti fshijë, më futën dhe mua aty se unë jam personi që ka mbajtur çdo gjë shënim, por unë plumbin e fundit nuk e mbaj për të vrarë veten, por për të goditur ata. Nuk kam frikë nga asgjë dhe ata nuk më heqin dot kaq lehtë.
Krimi i organizuar janë mafia që po të dojë kryeministri i fshinë nga faqja e dheut. Po doli një qytetar i Elbasanit që të thotë se Suel Çela nuk ka ndihmuar qeverinë për mandatin e terët ma nxirr nesër. Në këtë organizatë unë besoj te hetimi dhe do e mbështes, por kam kërkuar të ndiqet standardi”, u shpreh Artan Hoxha.