GEORGIA– Pas ngjarjes tragjike që ndodhi dy ditë më parë në shtetin e Georgia në SHBA, mësohet se është vënë në pranga babai i 14-vjeçarit që akuzohet për vrasjen e dy nxënësve dhe 2 mësuesve në shkollën e tij të mesme.
Colin Grey, 54 vjeç, po përballet me katër akuza për vrasje të pavullnetshme, dy akuza për vrasje të shkallës së dytë dhe tetë për mizori ndaj fëmijëve, tha Byroja e Hetimit të Gjeorgjisë (GBI).
Autoritetet kanë akuzuar djalin e tij, Colt Grey, me katër akuza për vrasje dhe thanë se planifikojnë ta ndjekin penalisht atë si një i rritur.
Nga sulomi me armë zjarri në shkollën e mesme Apalachee, humbën jetën dy mësues dhe dy nxënës, ndërsa nëntë të tjerë u plagosën.
Drejtori i GBI Chris Hosey tha në një konferencë shtypi se akuzat ndaj babait të adoleshentit lidhen drejtpërdrejt me veprimet e djalit të tij dhe lejimin e tij për të mbajtur një armë.
Autoritetet po hetojnë nëse Colin Grey e bleu armën AR si dhuratë për djalin e tij në dhjetor 2023, thanë burimet për CBS News. Në maj 2023, FBI njoftoi policinë lokale për kërcënimet në internet për të shtënat në shkollë, të lidhura me një adresë emaili të lidhur me të dyshuarin.
Policia shkoi të merrte në pyetje djalin, i cili në atë kohë ishte 13 vjeç. Babai i tij i tha policisë se kishte armë në shtëpi, por i biri nuk kishte akses të pambikëqyrur në to, tha FBI në një deklaratë të mërkurën./Thewashingtonpost