Karabinierët e Barit arrestuan në flagrancë një 21-vjeçar shqiptar për trafik droge. I riu, banues në zonën e Bergamos, po udhëtonte me makinë me fuqi të lartë nga Osio Sopra në Itali veriore kur u ndalua në pikën e pagesës Bari Nord.
Sjellja e tij e dyshimtë i tërhoqi vëmendjen oficerëve, të cilët, me ndihmën e qenit nuhatës “Eros” dhe Njësisë së Qenve Modugno, zbuluan një fund të rremë të fshehur nën sediljen e pasme të makinës. Brenda saj u gjetën 6 kg kokainë të ndarë në pako dhe 18,100 euro cash në prerje të ndryshme.
I arrestuari u shoqërua në stacion policor dhe më pas u transferua në burgun e Barit për shqyrtim gjyqësor. Karabinierët theksuan se operacioni konfirmon angazhimin e tyre për të luftuar trafikun e drogës dhe për të garantuar sigurinë në zonë.