TIRANË– Partia Demokratike pritet të paraqesë qëndrimin e saj në raport me Parlamentin, pas arrestimit të deputetit demokrat Ervin Salianji, gjatë një mbledhjeje të Komisionit Parlamentar për Çështjet Europiane.
Pritet që komisioni të mblidhet sot në orën 09:00, ndërsa deputetët Jorida Tabaku dhe Edi Paloka, do të paraqesin qëndrimin e PD-së.
Nga ana tjetër në mbledhjet e tjera të Komisioneve Parlamentare, deputetët e PD-së nuk do të marrin pjesë.
Veprim i parë në shenjë kundërshtimi pas burgosjes së Ervin Salianjit.
Disa ditë më herët drejtues të PD-së artikuluan ndërprerjen e marrëdhëniese institucionale me mazhorancën e Edi Ramës, por pa specifikuar se deri në ç’masë mund të shkojë ky qëndrim.
Mesditën e kësaj të diele deputetët e PD do të zhvillojnë një tjetër mbledhje ku pritet të përcaktojnë strategjinë që do të aplikojnë në raport me Kuvendin, duke nisur nga seanca e sotme, e cila mbahet në orën 17:00 dhe ku pritet të njoftohet zyrtarisht ndërprerja e mandatit të deputetit për Ervin Salianjin./Radar.al