Një ngjarje e pazakontë dhe shqetësuese ka ndodhur në orët e para të mëngjesit në komunën e Mamushës, rajonin e Prizrenit ku një vajzë 22-vjeçare është ndjekur nga një ari, duke shpëtuar vetëm për mrekulli.
Sipas pamjeve të siguruara nga kamerat e sigurisë, incidenti ka ndodhur rreth orës 07:30 në një zonë të qetë ku deri më sot nuk ishte parë asnjëherë një kafshë e tillë.
Vajza ishte duke dalë nga shtëpia për t’u nisur drejt Prizrenit, kur papritur u përball me arin. E frikësuar, ajo shpërtheu në panik dhe arriti të largohej në momentin e fundit, duke shpëtuar pa lëndime serioze.
Autoritetet lokale kanë nisur hetimet për të zbuluar se si kafsha ka depërtuar në zonën e banuar dhe po punojnë për ta kapur dhe larguar në mënyrë të sigurt nga territori i komunës.