Ambasada e Shteteve të Bashkuara në Tiranë ka njoftuar një ndryshim të rëndësishëm në procedurat për rinovimin e vizave, që do të hyjë në fuqi duke filluar nga 2 shtatori 2025. Sipas këtij njoftimi,
vetëm vizat B1/B2, që janë ende të vlefshme ose që kanë skaduar brenda 12 muajve të fundit, mund të rinovohen pa intervistë, duke përdorur procesin me postë.
Për të gjitha llojet e tjera të vizave, përveç disa rasteve të veçanta të udhëtimeve qeveritare, do të kërkohet një intervistë personale në ambasadë.
Ky ndryshim synon të përshpejtojë procesin e rinovimit të vizave për qytetarët që udhëtojnë për arsye pune, biznesi apo turizëm, duke reduktuar kohën dhe procedurat që kërkohen zakonisht.
Ambasada u bën thirrje të gjithë aplikuesve të verifikojnë kushtet specifike të rinovimit të vizave, të ndjekin me kujdes udhëzimet për dërgimin me postë dhe të sigurojnë që dokumentacioni i tyre të jetë i plotë për të shmangur vonesa.
Ky proces synon të sigurojë që qytetarët shqiptarë të vazhdojnë udhëtimet e tyre drejt SHBA-së me minimum komplikimesh dhe në përputhje me rregulloret e reja.
Njoftimi i Ambasadës se SHBA në Tiranë:
Radar.al