Një skenë e pazakontë ka ndodhur në një motel në Virxhinia, ku një aligator rreth dy metra i gjatë u shfaq papritur jashtë dhomës së një mysafiri, duke tmerruar pushuesit.
Policia e Qarkut Fairfax ndërhyri menjëherë në motel “Budget Host Travelers” në Aleksandri, pasi dëshmitarët raportuan për praninë e zvarranikut të rrezikshëm. Oficerët, të shoqëruar edhe nga Policia e Mbrojtjes së Kafshëve, konfirmuan praninë e aligatorit dhe nisën operacionin për kapjen e tij.
Sipas autoriteteve, aligatori kishte arritur të arratisej nga pronari i tij ndërsa po transportohej nga Nju Jorku drejt një kopshti zoologjik në Karolinën e Veriut. Ligjet e Virxhinias ndalojnë mbajtjen e kafshëve ekzotike si aligatorët, ndaj pas kapjes, autoritetet shoqëruan pronarin dhe kafshën jashtë Qarkut Fairfax.
Fatmirësisht, askush nuk u lëndua nga incidenti i pazakontë.