Aleanca e Grave Këshilltare Bashkiake të Tiranës ka propozuar ndalimin e qarkullimit të monopatinave dhe skuterave elektrikë në hapësirat publike si sheshet dhe rrugët pedonale të kryeqytetit.
Kryetarja e Aleancës, Silda Cepe Anagnosti, deklaroi se kjo nismë vjen si rezultat i diskutimeve të zhvilluara në një forum të posaçëm, ku morën pjesë përfaqësues të prindërve, shkollave, Policisë Bashkiake dhe Policisë së Shtetit, si dhe nënkryetari i Bashkisë së Tiranës, Andi Seferi.
Gjatë forumit, pjesëmarrësit theksuan rrezikshmërinë e këtyre mjeteve në zona të mbipopulluara dhe rëndësinë e marrjes së masave për të rritur sigurinë. U kërkua gjithashtu një fushatë sensibilizuese për përdoruesit dhe prindërit, si dhe rregullime të mëtejshme ligjore për të disiplinuar përdorimin e monopatinave dhe skuterave elektrikë në qytet.