Pesë persona kanë humbur jetën dhe të paktën 34 të tjerë janë plagosur pas një aksidenti të rëndë në Virginia, ku një autobus u përplas me gjashtë automjete në autostradën ndërshtetërore I-95.
Sipas autoriteteve amerikane, ngjarja ndodhi në orët e para të mëngjesit të së premtes, në një segment të autostradës ku trafiku ishte ngadalësuar për shkak të punimeve në rrugë.
Mediat ndërkombëtare, përfshirë BBC, raportojnë se shoferi i autobusit nuk arriti të frenonte në kohë, duke shkaktuar një përplasje zinxhir me automjetet përpara tij.
Si pasojë e aksidentit, pesë persona që ndodheshin në automjetet e goditura humbën jetën në vendngjarje, ndërsa dhjetëra të plagosur u transportuan në spitale për trajtim mjekësor.
Autoritetet bëjnë të ditur se tre prej të plagosurve janë në gjendje kritike, ndërsa hetimet për shkaqet dhe rrethanat e aksidentit vijojnë.
🚨5 Dead, 34 Injured in Virginia Bus Crash.
— American Truckers United (@atutruckers) May 29, 2026
The identify of the bus driver has not yet been released. Law enforcement has stated that "Charges are Pending". pic.twitter.com/90zxcFS5L6