Një aksident i rëndë ka ndodhur në orët e para të mëngjesit të sotëm në Gjermani 3 shtetas shqiptarë kanë humbur jetën ndërsa katë të tjerë mbetën të plagosur.
Burime nga Ministria për Evropën dhe Punët e Jashtmë bëjnë me dije se ngjarja e rëndë ka ndodhur mëngjesin e sotëm në qytetin Koblenz.
Ndërsa më tej shprehen ngushëllimet për familjarët e vikitmave.
Sakaq thuhet se po vijon puna për zbardhjen e plotë të ngjarjes.
Njoftimi i Ministrisë
Ministria për Evropën dhe Punët e Jashtme është informuar nga autoritetet gjermane për një aksident të rëndë rrugor të ndodhur në orët e para të mëngjesit të datës 25 maj, pranë qytetit Koblenz, ku janë përfshirë disa shtetas shqiptarë.
Me keqardhje njoftojmë se si pasojë e këtij aksidenti kanë humbur jetën tre shtetas shqiptarë, ndërsa katër të tjerë janë plagosur dhe po marrin trajtim në spitalet lokale.
Ambasada e Republikës së Shqipërisë në Berlin dhe Konsullata e Përgjithshme në Mynih kanë qenë në kontakt të vazhdueshëm me autoritetet gjermane dhe kanë ndjekur nga afër zhvillimet. Hetimet për rrethanat e aksidentit janë ende në vijim.
Ministria për Evropën dhe Punët e Jashtme shpreh ngushëllimet më të sinqerta për familjet e viktimave dhe uron shërim të plotë për të plagosurit. Strukturat tona konsullore kanë ofruar mbështetjen e nevojshme për qytetarët e prekur dhe kanë qenë të angazhuara gjatë gjithë ditës për të ndihmuar në menaxhimin e situatës. Për çdo informacion shtesë, lutemi të kontaktoni në: +49 1523 79 13 997. / Radar.al
LEXO EDHE:
Përleshje me th*ka, shufra hekuri dhe zinxhirë. Plas sherri mes shqiptarëve në një klub nate
E rëndë/ Zjarri shkrumbon dy banesa. Humb jetën mamaja me 3 fëmijët e mitur