Një sherr i dhunshëm ka ndodhur mes të rinjve shqiptarë në një klub nate.
Për rrjedhojë karabinierët arrestuan në Bolzano të Italisë katër shtetas të rinj shqiptarë.
Këta të fundit akuzohen për përfshirje në një sherr, lëndime të rënda trupore dhe mbajtje pa leje të armëve.
Sakaq thuhet se sherri ka ndodhur natën e 1 majit pranë Qendrës së Panairit Tregtar të Bolzanos. Incidenti filloi me një grindje verbale në një klub nate, e cila fillimisht u zgjidh nga personeli i sigurisë.
Por vetëm pak minuta më vonë, katër autorët e dyshuar i zunë pritë viktimave jashtë dhe i sulmuan brutalisht me thika, shufra hekuri dhe zinxhirë.
Dy viktima pësuan lëndime të rënda. Ndërsa thuhet se njëri prej tyre pësoi një dëmtim të përhershëm në fytyrë.
Sakaq mësohet se shqiptarët ndodhen në paraburgim. Ndërsa policia po vijon hetimet për zbardhjen e plotë të ngjarjes.