Një aksident i rëndë rrugor është regjistruar pasditen e sotme në autostradën Levan–Tepelenë, pranë fshatit Kafaraj.
Ngjarja ka përfshirë një automjet tip “Benz”, me të cilin udhëtonin tre turistë francezë që kishin destinacion Ksamilin dhe një mikrobus të linjës Libohovë.
Përplasja ka qenë e fortë, ndërsa policia dhe ekipet mjekësore kanë mbërritur menjëherë në vendngjarje për t’u dhënë ndihmën e parë të plagosurve dhe për të kryer veprimet hetimore. Ende nuk ka informacion zyrtar mbi gjendjen shëndetësore të personave të përfshirë në aksident.
Shkaqet e ngjarjes janë në hetim, ndërsa trafiku në segmentin ku ndodhi aksidenti është bllokuar për disa minuta.