Prokuroria pranë Gjykatës së Shkallës së Parë të Juridiksionit të Përgjithshëm në Durrës ka përfunduar hetimet dhe ka çuar në gjyq pesë persona të përfshirë, mes tyre dhe ish-drejtorin e Agjencisë Shtetërore të Kadastrës Kavajë.
Ata janë akuzuar për falsifikim të dokumenteve dhe shpërdorim të detyrës në lidhje me një pronë prej 1900 m².
Hetimet kanë treguar se dokumentet dhe harta e pasurisë janë falsifikuar për të përfituar në mënyrë të padrejtë.
Shtetasi S. C., akuzohet për shpërdorim detyre për regjistrimin e pronës në shkelje të ligjit, ndërsa shtetasi D. K., për falsifikim dokumentesh për hartimin e një harte të pasaktë të pronës.
Hetimet gjithashtu kanë zbuluar se harta e përpiluar nga D. K., nuk ka pasur lidhje me pasurinë reale dhe nuk ka plotësuar kriteret për të qenë dokument zyrtar.
Gjithashtu ASHK, Kavajë, nuk ka dërguar planin e rilevimit, duke përkeqësuar më tej situatën.