Prokuroria e Posaçme, SPAK ka konfirmuar se asnjë material kallëzues apo procedim penal nuk rezulton në ngarkim të shtetasit Pandeli Majko.
Reagimi vjen në interes të akuzave që ka ngritur kreu i PD Sali Berisha në adresë të Majkos, që e quajti ‘kriminel elektoral’ si dhe tha se është përgjuar me vendim gjykate nga SHIK.
Reagimi i SPAK për gazetaren Klodiana Lala:
“Pas verifikimeve të kryera në Regjistrin e Kallëzimeve Penale dhe Regjistrin e Protokollit në Prokurorinë e Posaçme kundër Korrupsionit dhe Krimit të Organizuar nuk rezulton asnjë material kallëzues apo procedim penal në ngarkim të shtetasit Pandeli Majko”.
Radar.al ju kujton se ditën e martë, 7 Janar, Majko i kërkoi kryeparlamentares Elisa Spiropali të ushtrojë të drejtën e Kuvendit për të kërkuar informacione nga SHISH lidhur me akuzat e Berishës.
Sipas kreut të PD, Majko ka dalë në përgjime për të mbledhur vota në Kukës kundrejt pazareve me zyrtarë të OSHEE.
Akuza e Sali Berishës:
Pandeli Majko është kriminel i madh elektoral në Kukës. Pandeli Majko është i regjistruar në tavolinë me regjistrues, të vendosur me vendim gjykate nga Shërbimi Informativ Kombëtar, jo për Pandeli Majkon, por për trafikantë droge dhe armësh që mblidheshin aty.
At shkon dhe bie zoti Pandeli. Dhe aty, është shumë e vërtetë, dosja është edhe tek ata, është edhe tek unë, aty shkon Pandeliu me këtë Alban Çelën dhe drejtorin e OSHEE të Kukësit dhe fillojnë.
I thotë atij drejtorit, ti në Has do të kërkosh kaq shtylla centrifugale dhe do i marrësh në një kompani këtu buzë Erzenit. Ato kushtonin nja 40 deri në 60 mijë euro. Por i thotë, do faturohen 800 mijë euro, nga të cilat 300 do i dërgohen Tropojës për të blerë vota, 200 mijë do dërgohen në Durrës, të tjerat do përdoren në Kukës.
Oficeri, i cili ishte në detyrë për të hedhur në çark trafikantët, habitet. Përveç kësaj, në bisedë aty, përfaqësuesit e Hasit kërkojnë armë, sepse Miftar Dautin, thonë ata, nuk e mundim dot. Kandidatin tonë, është reale çdo gjë.
Tani ky oficer, njeri i përgjegjshëm, njeri i ligjit, e merr regjistrimin, përgatit dosjen dhe shkon e dorëzon në Skap. Po, dokument zyrtar.
Vlora që vodhi arkivën sekrete të shërbimit të Kosovës dhe e çoi aty ku e çoi, ajo e di, dyshime shumë të forta se e çoi në Beograd, refuzon ta presë oficerin.