Do lërë mandatin nëse akuzat vërtetohen, zbardhet letra e Pandeli Majkos për SHISH: Më ktheni përgjigje nëse jam përgjuar

Radar.al ka siguruar letrën që deputeti i PS Pandeli Majko i ka drejtuar ShISH ku i kërkon informacion dhe përgjigje lidhur me akuzat e Sali Berishës se ai është përgjuar me vendim gjykate nga SHIK.

Në letër thuhet se në rast se ka pasur përgjim, duhen njoftuar organet kompetente si dhe kryeministri për të nxjerrë përgjegjësitë përkatëse.

Radar.al ju kujton se ditën e martë, 7 Janar, Majko i kërkoi kryeparlamentares Elisa Spiropali të ushtrojë të drejtën e Kuvendit për të kërkuar informacione nga SHISH lidhur me akuzat e Berishës.

Sipas kreut të PD, Majko ka dalë në përgjime për të mbledhur vota në Kukës kundrejt pazareve me zyrtarë të OSHEE.

Lexo edhe: “U përgjua nga SHIK”- Pandeli Majko bën veprimin e papritur: Gati të dorëzoj mandatin, të hetohet akuza e Berishës

Kujtojmë se Majko u zëvendësua nga Eduard Shalsi si drejtues politik në Kukës. Edhe për këtë Berisha e akuzoi si “kriminel elektoral”.

Deklarata e Sali Berishës:

Pandeli Majko është kriminel i madh elektoral në Kukës. Pandeli Majko është i regjistruar në tavolinë me regjistrues, të vendosur me vendim gjykate nga Shërbimi Informativ Kombëtar, jo për Pandeli Majkon, por për trafikantë droge dhe armësh që mblidheshin aty.

At shkon dhe bie zoti Pandeli. Dhe aty, është shumë e vërtetë, dosja është edhe tek ata, është edhe tek unë, aty shkon Pandeliu me këtë Alban Çelën dhe drejtorin e OSHEE të Kukësit dhe fillojnë.

Artikull me interes edhe:

“Një ngjarje na ka tronditur të gjithëve…”- Ledion Liço rrëqeth me lajmin e trishtë në mes të Prime-t

I thotë atij drejtorit, ti në Has do të kërkosh kaq shtylla centrifugale dhe do i marrësh në një kompani këtu buzë Erzenit. Ato kushtonin nja 40 deri në 60 mijë euro. Por i thotë, do faturohen 800 mijë euro, nga të cilat 300 do i dërgohen Tropojës për të blerë vota, 200 mijë do dërgohen në Durrës, të tjerat do përdoren në Kukës.

Oficeri, i cili ishte në detyrë për të hedhur në çark trafikantët, habitet. Përveç kësaj, në bisedë aty, përfaqësuesit e Hasit kërkojnë armë, sepse Miftar Dautin, thonë ata, nuk e mundim dot. Kandidatin tonë, është reale çdo gjë.

Tani ky oficer, njeri i përgjegjshëm, njeri i ligjit, e merr regjistrimin, përgatit dosjen dhe shkon e dorëzon në Skap. Po, dokument zyrtar.

Vlora që vodhi arkivën sekrete të shërbimit të Kosovës dhe e çoi aty ku e çoi, ajo e di, dyshime shumë të forta se e çoi në Beograd, refuzon ta presë oficerin.