Ditën e sotme ka dëshmuar sërish para togave të zeza, i penduari i drejtësisë Nuredin Dumani.
Dumani zbuloi detaje në lidhje me vrasjen e Bujar Çelës, vëllait të ish-mikut e ish-bashkëpunëtorit të tij të dikurshëm Talo Çela.
I penduari rrëfeu në kuadër të operacionit “Plumbi i Artë”, se në krim mori pjesë me Besmir Xhixhën dhe Enver Divën.
Më tej ai zbulon se diçka nuk shkoi si duhej me armën e tij dhe nuk qëlloi, ndonëse kishte në fakt dy armë.
“Kisha dy armë. Njërën e kisha për ta përdorur në vrasjen e Bujar Çelës, tjetrën e mbaja si zakonisht për vetëmbrojtje dhe nuk e përdorja në ngjarje. Tentova ta qëlloj Bujarin, por arma nuk më shkrepi. I thashë Xhixhës të qëllonte se nuk po më shkrepte. Nuk e përdora armën e dytë, sepse nuk doja ta bëja pis”.
Kujtojmë se Bujar Çela u vra më 17 shtator të vitit 2020, ndërsa i penduari tregon se shkak ishte bërë vrasja e mikut të tij Klevis Kapllani, për të cilën dyshohej se ishte kryer nga Talo Çela dhe vëllezërit Manhasa.
LEXO EDHE:
“Më ndihmoi dhëndri i…”/ Nuredin Dumani dëshmon në gjyq, zbulon si u lirua nga burgu. Mjekët më…