Princesha e Uellsit, Kate Middleton u rikthye në spitalin ku iu nënshtrua trajtimit për kancerin më herët, më 14 janar 2025 ku ka surprizuar pacientët që po luftojnë me sëmundjen e rëndë.
Middleton bëri këtë të martë një dalje të rrallë publike në spitalin “Royal Marsden” në Londër. Gjatë vizitës së saj ajo falenderoi stafin e spitalit për kujdesin dhe mbështetjen e tyre pas diagnostikimit të saj më kancer vitin e kaluar. Gjithashtu dhe për trajtimin e të gjithë pacientëve të cilët janë në betejë me këtë sëmundje.
Sipas GB News , një përfaqësuese e Kensington Palace shpjegoi se Middleton vizitoi spitalin, qendra e parë e dedikuar për kancerin në botë, për të “treguar mirënjohjen e saj për ekipin e jashtëzakonshëm, por edhe për të theksuar kujdesin dhe trajtimin lider në botë që ofron Marsden”.
Në shtator, Kate njoftoi se kishte përfunduar kimioterapinë pas një trajtimi sfidues prej 9 muajsh. Princesha tha se përfundimi i trajtimit të saj ishte një lehtësim pas një kohe tepër të vështirë.