Korça ka qenë destinaconi i fundvitit për qindra turistë të huaj nga Europa dhe Amerika latine. Ata kanë festuar në qendër të qytetit, më dëshirën për t’u kthyer sërish vitin e ardhshëm.
Edhe këtë vit Korça ka qenë qyteti që ka tërhequr më shumë turistë vendas e të huaj, të cilët në momentin e ndërrimit të viteve kanë qenë të shumtë në shesh ashtu siç kanë qene banorët e këtij qyteti, të cilët i kanë uruar njeri tjetrit vitin e ri 2025.
Ndryshe nga vitet e tjera, Korça këtë fundvit ka patur turistë nga vende të ndryshme të Europës dhe jo vetëm që kishin zgjedhur këtë qytet për të kaluar festat. Ata janë shprehur se atmosfera festive i ka bindur për t’u rikthyer përsëri vitin që vjen
“Vij nga Moldavia. Një qytet i bukur, qytet mikpritës, atmosfera këtu është fantastike. Shpresoj të rikthehemi përsëri”, thotë një turiste.
“Jetoj ne Kolumbi. Kisha dëgjuar në internet për Korçën. E dua shumë qytetin dhe dua të vij përsëri. Gjëja më e bukur janë njerëzit, shumë mikpritës”, shprehet një tjetër.
Edhe vizitorët e ardhur nga qytete të tjera kanë treguar se Korça ka gëzim e atmosferë
Natën e ndërrimit të viteve bashkia e Korçës e ka bërë elektrizuese me spektaklin që ka dhuruar me fishekzjarrët.