TIRANË– Artisti i mirënjohur shqiptar, Frederik Ndoci teksa ka folur në një intervistë në “Top Channel” ka zbuluar sesi është njohur me këngëtaren Parashqevi Simaku.
Ndoci rrëfen se motra e tij, Rita, ka pasur miqësi të ngushtë me Parashqevi Simakun. Ndër të tjera shprehet se kjo e fundit, diferencohej nga kolegët e tjerë për shkak të sjelljes së saj, e matur dhe intuitive.
“Parashqevia ka qenë shoqe me motrën time të madhe, Ritën. Kanë fjetur bashkë, ajo ka ardhur në shtëpinë tonë. Ka pasur gjithmonë respektin, nuk kam guxuar ta shoh 6 sekonda në sy se kam qenë i martuar, unë kam lindur i martuar (qesh). Ka qenë shumë e mirë, shumë kinge. Ishte dhe artiste, kishte një pedancë që nuk ishte e lehtë. Nuk ka femra të lehta, por ka që i marrin punët lehtë. Ajo ishte shumë e matur për shumë gjëra”-tha Frederik Ndoci./Radar.al