TIRANË – Mbrëmjen e së enjtes në emisionin “Mirëmbrëma Yje” me Arbana Osmanin, ishte e ftuar Alketa Vejsiuj.
Mes bisedave gjatë gatimit dhe pastaj pranë zjarrit në oborr, Arbana e pyet Alketën se për çfarë qan më shumë.
Ndër moderatorja tregon se ka qenë një ndër vitet më të vështirë pasi ka humbur të atin.
“Ky vit ka qenë i mbushur me lot. Kam qarë për atë baba që nuk jeton më, por sot dua të flas për të me buzëqeshje. Dua të tregoj gjithçka të bukur që më ka mësuar dhe trashëguar, pa lot.”- tha Alketa.
Ndër të tjera Alketa rrëfeu mesazhet e fundit që i ati i kishte lënë, të mbushura me dashuri dhe krenari.
“Më thoshte gjithmonë, unë do të iki i lumtur sepse pata një fëmijë që nuk më zhgënjeu kurrë. Ti më bëre krenar. Ai më la një amanet, të jem e lumtur dhe ta çoj jetën përpara.”- tregoi moderatorja.
Duke kujtuar dashurinë e pakushtëzuar të babait të saj, Alketa tha: Unë kam qenë gjithmonë goca e babit. Ai ishte fansi im më i madh, dhe mesazhet e tij të fundit janë dëshmi e një dashurie që nuk do të ma zëvendësojë askush.
“E kam përcjellë me muzikë, siç ma kërkoi. Ai donte që unë të vishesha me të bardha dhe që funerali i tij të ishte një festë, jo një pikëllim. Muzika ishte ajo që e shoqëroi deri në fund, ashtu siç do të kishte dashur gjithmonë.”-zbuloi Alketa./Radar.al