Kryedemokrati Sali Berisha, i shpallur “non grata” nga SHBA në maj të 2021, ditën e sotme në një konferencë për gazetarët deklaroi pret ditën që presidenti i zgjedhur Donald Trump të marrë pushtetin.
Pas kësaj, Berisha tha se do të nisë përpjekjet për heqjen e “non gratës” të cilën e konsideron një njollë të zezë “për ata që e vendoën”.
Berisha: Siç kam theksuar, i gjithë problemi im, dhe vendimi im për moslobim lidhej me ata që kryen grushtin e shtetit ndaj opozitës shqiptare. Me përpjekjen antidemokratike për të kontrolluar opozitën, kontrolluar kryetarin e saj, për ta shndërruar opozitën në një vegël të Edi Ramës.
Tani që ata dorëzojnë pushtetin, unë pres dorëzimin e pushtetit nga ana e tyre, që unë të filloj përpjekjet e mia për të paraqitur këtë akt që do të ngelet, në historinë e demokracisë, si një njollë e zezë për ata që e vendosën.
Pra nuk ka asnjë sekret që ne do të bëjmë të gjitha përpjekjet tona, por natyrisht duhet që administrata e presidentit Donald Trump të inaugurohet dhe të nisë punën në të gjitha institucionet.
Kujtojmë se më 19 maj 2021, Sekretari i Shtetit, Antony Blinken, njoftoi se Berisha dhe familja e tij janë të papërshtatshëm për të hyrë në SHBA dhe prandaj edhe ju ndalohet hyrja në vend.
LEXO EDHE:
Berisha “premton”: Harrojini gabimet e mia, rikthimi i tretë do të jetë i suksesshëm
Berisha nuk do e përfshijë në listën e PD-së në zgjedhje, reagon Basha: E turpshme