TIRANË– Kreu i partisë Demokratike, Sali Berisha ka ngritur dyshime të forta mbi vrasjen e 50-vjeçarit në një lokal në zonën e Ndroqit.
Përmes një statusi në rrjetet sociale, dje ish-kryemistri Sali Berisha ka publikuar edhe një pjesë nga dosja me përgjimet e Sky Ecc, mes ish-deputetit socialist Jurgis Çyrbja dhe kreut të narkotrafikut, Altin Hajri në Shijak.
“Personi që u ekzekutua sot nga vrasesi që u lirua nga prokurori i SPAK-ut, dikur ka qënë menaxher në restorantin e Altin Hajrit, aty ku u coptua trupi i Jang Prengës! Viktima në Ndroq ishte dëshmitar në coptimin e trupit të Jan Prengës në lokalin e Altin Hajrit!”-shkruan Berisha.
POSTIMI I PLOTË I BERISHËS:
Lidhja Dumani-Hajri
Kreu i “SKAP-it të Partisë” nuk ankimoi heqjen e sekuestros për pronat e Hajrit. “Altin Hajri i Çyrbes se ai Olsi na ka respektue!”
Ekzekutimi sotëm ka lidhje të forta me pergjimet e SKY ECC!
“Kunati im është kapur me pistoletë… Të paktën të ndryshojnë versionin, të lirohet një prej tyre… Do japim 20 mijë euro, vetëm ta mbyllim këtë punë,” i kishte shkruar Hajri ish-deputetit, duke theksuar se urgjenca e çështjes kërkonte ndërhyrje të menjëhershme. Më tej, komunikimet mes Hajrit dhe Çyrbjes përfshijnë edhe një kërkesë për ndihmë në parandalimin e një arrestimi të mundshëm të Hajrit, bazuar në informacione që ai pretendonte të kishte marrë nga burime të brendshme. Emri i një personi të quajtur “Olsi” aktualisht prokuror ne SPAK,përmendet në komunikimet, si një individ që dyshohet se ka dhënë ndihmë vendimtare në rastin e Hajrit!
Personi që u ekzekutua sot nga vrasesi që u lirua nga prokurori i SPAK-ut, dikur ka qënë menaxher në restorantin e Altin Hajrit, aty ku u coptua trupi i Jang Prengës! Viktima në Ndroq ishte dëshmitar në coptimin e trupit të Jan Prengës në lokalin e Altin Hajrit!/Radar.al