Vladimir Mara dhe Altin Dumani janë dy prokurorët që kanë hetuar organizatën kriminale të Suel Çelës dhe që kanë lëshuar 21 masat e arrestit. Mes tyre dhe dy masa sigurimi detyrim paraqitje për gazetarët Artan Hoxha dhe Elton Qyno.
Por para se SPAK të zbardhte zyrtarisht akuzat ndaj gazetarëve, Artan Hoxha, reagoi nëpërmjet emisionit “Opinion” dhe u shpreh se nuk ka kryer asnjë krim.
Sipas tij, kontrolli i ushtruar ndaj tyre ka rezultuar i paligjshëm.
‘Në 1 rast u pagua 15 mijë euro’/ Si i transmetonte lajmet Artan Hoxha me ndikimin e Suel Çelës?
“Brenda një kohe të shkurtër, shtëpia ime është bastisur dy herë nga SPAK. Prej 19 viteve punë pa ndërprerje duke zënë me dorë thuajse të gjitha grupet kriminale në Shqipëri dhe jo vetëm, sinqerisht jam habitur për një masë të tillë të firmosur nga njerëz që unë kam besuar që i kam mbështetur fuqimisht në detyrën e tyre kundër elementëve kriminalë. Këtë gjë e di më së miri Vladimir Mara, Altin Dumani dhe e gjithë trupa e prokurorëve të SPAK dhe atyre të Republikës së Shqipërisë“.
Radar.al kujton ironinë e fatit për gazetarin Artan Hoxha, i cili në media ka folur me superlativa për figurën e Altin Dumanit dhe e ka parë si fitues të garës për kreun e SPAK.
Pak kohë më parë Hoxha thoshte në një media se “dëshira e tij është që gara të fitohet nga Altin Dumani. Sipas Hoxhës, me Dumanin është njohur në Tropojë në kohën kur nuk guxonte njeri të hynte atje. Sipas Hoxhës, Dumani ka treguar se është i zoti në hetimin e çështjeve madhore dhe i drejt në atë që bën.”
Radar.al
Akuzat e SPAK se i shërbente Suel Çelës në media, reagon ashpër Artan Hoxha