TIRANË– Ka dalë nga ambientet e SPAK ish-deputeti i PD-së, Jurgis Çyrbja. Ai ka përfunduar dëshminë në SPAK, ku ka qëndruar përreth 35 minuta.
Çyrbja është paraqitur edhe më datën 8 tetor në Strukturën e Posaçme, ku ishte në godinën e SPAK për rreth pesë orë.
Sot pas daljes nga ambientet e Prokurorisë së Posaçme, Çyrbja nuk ka folur gjatë para mediave, por ka thënë “Drejtohuni SPAK për informacion”.
Ndërkohë ende nuk dihet arsyeja që çoi në marrjen e vendimit për të dorëzuar mandatin. Për Çyrbjan është bërë kallëzim për shpërdorim detyre nga PD për shpërdorim detyre në kohën kur drejtonte hipotekën e Durrësit.