BRITANI E MADHE– Boris Johnson, ish-kryeministri britanik, ka nxitur debate të ashpra pasi shkeli protokollin mbretëror duke zbuluar në librin e kujtimeve të tij se mbretëresha Elizabeth II kishte kancer në kocka para vdekjes së saj.
Ky libër, i cili pritet që të dalë më 10 tetor dhe pjesë të të cilit po shikohen këtë javë në gazetën Daily Mail, tregohen ditët e fundit të Mbretëreshës në Balmoral Castle në Skoci.
Kujtojmë se ish-kryeministri dha zyrtarisht dorëheqjen vetëm dy ditë para vdekjes së Elizabeth II në shtator 2022, dhe në vitet që pasuan, ka pasur spekulime intensive për mënyrën se si ajo vdiq.
“Unë e di për një vit ose më shumë se ajo kishte një formë të kancerit të kockave dhe mjekët e saj ishin të shqetësuar se në çdo moment ajo mund të shkonte në një rënie të shpejtë.”-ka thënë ai.
Kjo dëshmi e fortë e Johnson është treguesi i parë publik nga një ish-zyrtar i lartë i qeverisë për atë që mund të ketë qenë shkaku i vdekjes së Mbretëreshës. Certifikata e saj e vdekjes rendit fjalën “pleqëria” si shkak./CNN