Gjykata e Lartë ditën e sotme dha vendimin për dënim me burgim të përjetshëm ndaj Fadil Kasemit, i dënuar për vrasjen e bashkëshortes gjyqtare, Fildez Hafizi.
Sipas burimeve mësohet se Kasemi kërkoi shfuqizimin e vendimit të Apelit të Gjykatës për Krimet të Rënda të vitit 2019, me pretendimin se duhet t’i kishin pranuar kërkesën për gjykim të shkurtuar, lloj gjykimi që do “i shpëtonte kokën” nga dënimi i përjetshëm.
Gjatë procesit gjyqësor ndaj tij në shkallët më të ulëta, Kasemi ka mbajtur qëndrim pohues për ngjarjen, ndërsa ka pretenduar se ish-bashkëshortja i kishte kthyer fëmijët kundër dhe se nuk ishte mirënjohës për investimet e bëra karshi saj.
Vrasja e Hafizit ndodhi dy vite pas divorcit nga i shoqi dhe u parapri nga konflikte të mëparshme mes të dyve, si ai i vitit 2015, ku Kasemi kërcënoi gjyqtaren me armë në një ambient publik në Golem.