PORTUGALI– Partnerja e Cristiano Ronaldos, Georgina Rodriguez ka nisur të rrisë statusin e saj si një figurë e njohur në industrinë e argëtimit, veçanërisht pas publikimit të sezonit të tretë të dokumentarit të saj në Netflix, “I Am Georgina”.
Ndërkohë ky sezon, i cili u publikua më 18 shtator, ka marrë vlerësime pozitive dhe ka tërhequr një numër të konsiderueshëm shikuesish, duke forcuar profilin e saj publik.
Mediat e huaja shkruajnë se Rodriguez po fiton rreth nëntë milion euro për sezon, një shifër që e pozicionon atë si një nga influencueset më të pasura në platformë. Por megjthatë shifrat e sakta mbeten të paverifikuara, media spanjolle dhe latino-amerikane spekulojnë se të ardhurat e saj mund të rriten me edicionet e ardhshme.
Teksa tregon jetën e saj luksoze dhe marrëdhënien me Ronaldon, dokumentari ka zbuluar sesi Georgina ka arritur të shfrytëzojë popullaritetin e saj për të ndërtuar një karrierë të suksesshme. Ajo ka përfituar nga ky sukses edhe përmes një klinike të transplantimit të flokëve, të cilën e menaxhon së bashku me Ronaldon, dhe e cila gjeneron rreth dhjetë milionë euro në vit.
Kjo tregon sesi Georgina ka ndërtuar një markë personale të fortë, duke e shndërruar jetën e saj në mundësi biznesi. Edhe pse tashmë ka shumë famë, ajo tregon aftësinë për të krijuar një të ardhme të qëndrueshme dhe fitimprurëse, duke forcuar kështu pozitën e saj në botën e biznesit dhe argëtimit.
