Një ngjarje e rëndë ka tronditur SHBA ku një grua e identifikuar si Christine Banfield, dhe punonjësi bashkiak Joseph Ryan u gjetën të vrarë në vilën në zonën rezidenciale të Uashington.
Bashkëshorti i Christine Banfield dhe dado e shtëpisë janë akuzuar dje për vrasjet në ‘trekëndëshin djallëzor të dashurisë’ që ishte krijuar në banesë në fillim të vitit të shkuar.
Dyshja pasi tentoi të fshihte eliminim e zonjës së shtëpisë, dadoja Juliana Peres kishte tentuar të inskenonte vrasjen e Christine nga një i dashur i trilluar që do të joshte në rrjet.
Prokurori Steve Descano tha dje në një deklaratë: “Vitin që shkoi vrasja e dyfishtë e Christine Banfield e Joseph Ryan tronditi komunitetin tonë. Sot jam i lumtur të njoftoj se kemi bërë akuzat zyrtare ndaj Brendan Banfield për vrasjen e bashkëshortes së tij Christine, dhe vrasjen e Ryan”.
Brendan Banfield, baba i një vajze 4-vjeçare, dhe dado e familjes, 22-vjeçarja braziliane Juliana Peres Magalhaes, akuzohen për vrasjen e Christine, bashkëshortes së Brendan, dhe të punonjësit të bashkisë së Fairfas, Joseph Ryan, një burrë 38-vjecar që ishte ftuar në shtëpinë e saj ne Herndon, Virginia.
Kur policia u lajmërua nga emergjenca ditën e vrasjeve, gjetën Christine me plagë thike dhe Ryan me një plagë arme zjarri në dhomën e gjumit të shtëpisë.
Oficerët sekuestruan në vendngjarje një thikë dhe dy armë zjarri.
Brendan Banfield i cili ishte në një lidhje intime me dadon Juliana Peres Magalhaes, akuzohet se ka qëlluar me thikë bashkëshorten e tij Christine Banfield 37 vjeç dhe më pas ka qëlluar Joseph Ryan, 38 vjeç, paraditen e 24 shkurtit 2024, per te bere te dukej se gruaja e tij ishte vrare nga i huaji.
Çifti Banfield jetonin në shtëpi me dadon Juliana Peres Magalhaes, dhe vajzën e tyre 4-vjeçare.
Mediet e huaja raportuan se Brendan e Magalhaes kishin qëlluar për vdekje, Ryan që ishte thirrur në vilën një milionë dollarëshe nga një faqe lidhjesh seksuale në rrjet.
Magalhaes, asokohe 23 vjeçare, tha fillimisht se ajo dhe Brendan kishin parë ‘Ryan që sulmoi Christine Banfield’, prandaj e qëlluan.
Magalhaes pretendon vetëmbrojtje por prokurorët thanë se është gjithçka një sajesë e dados për të hequr qafe gruan e të dashurit punëdhënës.
Dyshja janë arrestuar prej dhjetorit 2023 për vrasjen e Ryan por asnjë prej tyre nuk ishte akuzuar për vrasjen e Christine deri dje, shkruajne mediat ne SHBA.
