Një 19-vjeçare është shpëtuar nga forcat “Shqiponja”, pasi banesa e saj gjatë ditës së sotme u përfshi nga flakët.
Ngjarja ka ndodhur në rrugën “Sali Nivica”, ku shtetasja E. D., kishte mbetur e bllokuar brenda në banesën që po digjej.
“Shërbimet e Komisariatit të Policisë Nr. 1, bashkë me shërbimet e Sektorit të Forcës së Posaçme “Shqiponja”, kanë shkuar menjëherë në adresën e dhënë dhe i kanë dhënë ndihmë shtetases E. D., 19 vjeçe, e cila kishte mbetur e bllokuar brenda banesës që ishte përfshirë nga zjarri”, thuhet në njoftim.
19-vjeçarja mësohet se fatmirësisht është jashtë rrezikut për jetën. Nga të dhënat e para dyshohet se zjarri ka rënë si pasojë e një shkëndije elektrike.