TIRANË– Pas përfundimit të mbledhjes së drejtuesve politikë të PD-së në qarqe, demokrati Flamur Noka u shpreh se ishte për të përcaktuar shinat e punës.
Më tej ai ka thënë se energjizimi partisë dhe përgatitja për protesta, janë për Sekretarin e Përgjithshëm të PD-së, rruga e vetme për të detyruar krijimin e një qeverie teknike.
LEXO EDHE: Përfundon pas dy orësh mbledhja e Berishës me drejtuesit e qarqeve të PD
“Ishte një mbledhje që përcaktoi shinat e punës së drejtuesve politikë në qarqe dhe PD në përgjithësi. Padiskutim, riorganizimi dhe vitalizmi i partisë, do të jetë paralelisht me nisjen e protestave masive për largimin. Nga dita e nesërme, drejtuesit do të jenë në bazë me dy plane pune. Energjizimin e partisë dhe përgatitjen për protesta, si rruga e vetme për të detyruar regjimin për krijimin e një qeverie teknike. Sot drejtuesit morën detyrat e tyre, sipas qarqeve që janë shpërndarë, do të zbresin në terren. Në terren do të jenë vetëm për komisione dhe parlament”, tha Noka.