Chidimma Adetshina, babai së cilës është nigerian, merrte jesë në kompeticionin e Afrikës së Jugut, por u tërhoq pas raportimeve të bëra për kritikat negative.
Tashmë ish-Miss-i e përfshirë në debatin e kombësisë, ka fituar titullin “Miss Universe Nigeria” në fundjavë.
E lindur nga babai nigerian në Afrikën e Jugut, 23-vjeçarja Chidimma Adetshina u tërhoq nga kompeticioni “për sigurinë e mirëqenien e familjes” pas një seri komentesh kundër ‘të huajve’ në kompeticionet në Afrikën e Jugut.
“Ishte një rrugëtim i vështirë për mua … por janë krenare dhe mirënjohëse për dashurinë e mbështetjen,” tha Adetshina për rrjetin AFP disa minuta pasi u kurorëzua në kryeqytetin financiar të Nigerisë, Lagos.
Sipas medieve të huaja, mësohet se prejardhja e saj nigeriane solli sulme ksenofobe në Afrikën e Jugut ku ajo doli finaliste në korrik. Prandaj u detyrua të tërhiqej pas pretendimeve se nëna e saj kishte vjedhur identitetin e një gruaje afrikano-jugore.
Nodnëse nuk kishte qenë në Nigeri prej 20 vitesh, organizatorët e kompeticionit e ftuan atë të merrte pjesë.
Adetshina insiston se e do shumë Afrikën e Jugut megjithë debatin e krijuar, dhe se është mirënjohëse për mbështetjen e marrë nga vendi i saj.
Ajo do të përfaqësojë tashmë Nigerinë në kompeticionin ndërkombëtar Miss Universe në nëntor, për të cilin tha. “Unë e di se do fitojmë”.