KOSOVË– Një ngjarje e rëndë ka ndodhur në Podujevë të Kosovës. Sipas mediave vendase bëhet me dije se një foshnje 2 vjeç, është dërguar në spital pa shenja jete.
Sipas njoftimit të policisë mësohet se foshnja ka qenë e lidhur në djep dhe është rrokullisur gjatë kohës që po flinte.
Raportohet se foshnja është mbytur me litarin me të cilin ishte lidhur në djep.
NJOFTIMI I POLICISË:
“Podujevë / 28.08.2024 – NN. Një foshnje është dërguar në emergjencë pa shenja jete nga familjarët. Me vendim të prokurorit trupi i pajetë është dërguar në obduksion. Rasti në hetime”, thuhet në njoftimin e policisë, ndërsa shtohet se kanë nisur hetimet në lidhje me rastin.