Shqipëria do të dominohet gjatë gjithë ditës nga moti i kthjellët, ndërsa në disa zona priten vetëm vranësira të pakta kalimtare.
Temperaturat minimale do të luhaten nga 11°C në zonat verilindore deri në 21°C në bregdetin jugor. Maksimalet do të arrijnë në 34°C në Elbasan, Berat, Fier dhe Gjirokastër.
Në Tiranë, Durrës dhe Lezhë temperatura maksimale parashikohet të jetë 33°C, ndërsa në Vlorë dhe Sarandë do të arrijë në 32°C.
Era do të fryjë nga kuadrati i jugut me shpejtësi mesatare rreth 8 m/s, ndërsa përgjatë vijës bregdetare dhe në zonat luginore herë pas here do të forcohet deri në 18 m/s.
Në det parashikohet valëzim i forcës 2 deri në 4 ballë.
Në përgjithësi, dita do të jetë e favorshme për aktivitetet në natyrë, por gjatë orëve të mesditës dhe pasdites rekomandohet kujdes për shkak të temperaturave të larta.