Në prag të finales së Kupës së Botës midis Spanjës dhe Argjentinës, Lionel Mesi doli në skenë në Fanatics Fest dhe, i intervistuar nga legjenda e NFL-së Tom Brady, numri 10 foli për foton virale teksa shfaqet duke larë Lamine Jamal, e bërë në vitin 2007 për një iniciativë të UNICEF-it.
“Është vërtet një foto e pabesueshme, çmenduri e pastër. Bëra një foto me të kur ishte i porsalindur dhe tani do të përballemi me njëri-tjetrin në një finale të Kupës së Botës.”
La Pulce vazhdoi, duke e quajtur Jamal një “lojtar të shkëlqyer” dhe deklaroi se ai gjithmonë e ndjek atë për shkak të lidhjes që i bashkon të dy në Barcelonë: “E ndjek shumë sepse luan për klubin që dua”, tha Mesi.
Ai vazhdoi: “Në moshën 19 vjeç, ai është tashmë një nga më të mirët në botë, ai ka të gjithë karrierën e tij përpara dhe një mundësi të shkëlqyer për të arritur diçka historike. Megjithëse ne do të bëjmë gjithçka që mundemi për t’u siguruar që kjo të mos ndodhë”.
Mesi e përfundoi intervistën me një urim për lojtarin dhe Barçën: “Gjithmonë i uroj gjithë të mirat, veçanërisht sepse më e mira e tij është më e mira për Barcelonën”