Ish-banorja e “Big Brother VIP Albania”, Françeska Murati, ka paralajmëruar se së shpejti do të bëjë një reagim publik për disa çështje që, sipas saj, janë interpretuar gabimisht prej kohësh.
Përmes një videoje të publikuar në Instagram, Murati shfaqet duke dhënë një mesazh të shkurtër, pa zbuluar ende detaje mbi temat për të cilat do të flasë.
“Ka ardhur momenti të tregoj të vërtetën. Kam dëgjuar shumë gjëra të pavërteta për veten time dhe kam vendosur të hesht. Ka ardhur momenti që unë të flas”, shprehet ajo.
Deri më tani, ish-banorja e BBVA nuk ka bërë të ditur se cilave deklarata apo pretendime do t’u përgjigjet. Megjithatë, në rrjetet sociale prej kohësh kanë qarkulluar diskutime dhe aludime që lidhen me jetën e saj private, marrëdhëniet personale, stilin e jetesës dhe çështje të tjera që kanë tërhequr vëmendjen e publikut.
Tashmë pritet që deklarata e radhës e Françeska Muratit të zbulojë më shumë mbi arsyet që e kanë shtyrë të reagojë pas një periudhe heshtjeje.