Lionel Messi ka vendosur të tjera rekorde historike në Kupën e Botës 2026 që po zhvillohet në SHBA, duke shkruar edhe një kapitull të ri në karrierën e tij të jashtëzakonshme.
Me aktivizimin në ndeshjen ndaj Kepit të Gjelbër, sfidë që vlente për kualifikimin në fazën e 1/8-ave, argjentinasi u bë lojtari i parë në historinë e Botërorëve me 30 paraqitje në këtë kompeticion. Kjo arritje u pasqyrua edhe nga FIFA, e cila e përshëndeti në rrjetet sociale.
Messi nuk u ndal me kaq, pasi gjeti edhe rrugën e rrjetës në këtë takim, duke e çuar në 20 numrin total të golave të shënuar në Kupat e Botës.
Me këtë shifër, ai forcon më tej statusin si golashënuesi më i mirë në historinë e kompeticionit. Gjithashtu, ylli argjentinas është bërë lojtari i parë që shënon në tetë ndeshje radhazi të Botërorit, një tjetër rekord që e vendos atë në një nivel unik në historinë e futbollit ndërkombëtar.