Bilanci i viktimave nga tërmetet në Venezuelë është thelluar ndjeshëm, duke arritur në të paktën 1,430 të vdekur, sipas Presidentit të Asamblesë Kombëtare, Jorge Rodríguez.
Autoritetet raportojnë gjithashtu se 3,238 persona kanë mbetur të plagosur, ndërsa 3,142 familje kanë humbur banesat e tyre si pasojë e dëmeve të shkaktuara nga lëkundjet.
Sipas të dhënave zyrtare, vendi është goditur nga të paktën 430 pasgoditje pas dy tërmeteve kryesore të regjistruara të mërkurën, duke rritur më tej shqetësimet për situatën humanitare në zonat e prekura.
Ekipet e emergjencës vijojnë punën në terren për kërkim-shpëtimin dhe për vlerësimin e dëmeve, ndërsa autoritetet paralajmërojnë se bilanci mund të ndryshojë edhe në ditët në vijim.