PËRMET- Një ngjarje e rëndë është regjistruar në Përmet, ku një 68-vjeçar ka humbur jetën pasi u godit nga rrufeja ndërsa ndodhej në mal.
Bazuar në raportimet e deritanishme, viktima është identifikuar si Syrja Karati, i cili ndodhej në malin e Trebeshinës, në vendin e quajtur Zaçe Be, në momentin kur u godit nga rrufeja.
68-vjeçari nuk ka mundur t’u mbijetojë plagëve të marra, duke ndërruar jetë në vendngjarje. Autoritetet kanë nisur veprimet për dokumentimin e plotë të rrethanave të ngjarjes.