Kryeministri Edi Rama ka ndarë në rrjetet sociale mesazhin e një qytetari, i cili megjithëse shprehet kritik ndaj qeverisë dhe deklaron se nuk e ka votuar asnjëherë, vlerëson se protesta aktuale ka devijuar nga qëllimi i saj fillestar.
Qytetari, i identifikuar si Amarildo Kaçaniku, prezantohet në mesazh si “armik politik” i kryeministrit, por shpreh shqetësimin se protesta po përdoret për interesa të tjera dhe jo për të mirën e vendit.
Sipas tij, ndërtimi i shtetit të së drejtës kërkon kohë dhe nuk mund të realizohet brenda një periudhe të shkurtër. Ai thekson se, si jurist, e sheh me shqetësim mundësinë që situata të çojë në destabilitet, duke kujtuar se historia ka treguar se zgjidhjet e paraqitura me shumë zhurmë nuk sjellin gjithmonë rezultatet e pritura.
Në postimin e tij, Rama shkruan se vendosi t’i japë “sinjalin” që qytetari kërkoi në fund të mesazhit, duke e bërë publik komunikimin dhe duke vlerësuar tonin e tij kritik, por konstruktiv.
Mesazhi i publikuar ka ngjallur reagime të shumta në rrjetet sociale, ku komentuesit janë ndarë mes atyre që mbështesin qëndrimin e qytetarit dhe atyre që e konsiderojnë publikimin e tij si pjesë të debatit politik të momentit.
Postimi i plotë i Ramës:
Dhe e mora Amarildon t’ia jap sinjalin që kërkoi në fund të mesazhit të tij
“Pershendetje Z. Rama
Uroj qe ky mesazh t’ju gjeje mire nga nje i ri i ketij vendi.
Po ju prezantohem , Amarildo Kaçaniku, armik i juaji (armik politik sigurisht).
Nuk ju kam votuar kurre dhe kam ne mendje 1 milion e 1 kritika per ju. POR
Kjo protesta sic edhe ju e dini, ka marre per kot dhe as mua njejte si ju spo me pelqen fare, pasi qartazi per nje njeri qe mundohet te kuptoj shkakun qe e sjell pasojen, duket qe turma po perdoret per arsye te tjera dhe jo per te miren e Republikes tone!
Shteti i se drejtes nuk behet ne nje dite, as nje muaj e as nje vit, dhe kte e di mire pasi nga profesioni jam jurist.
Shpresoj qe kjo idiotesi te ndaloj pa sjell ndonje destabilitet , pasi e di fort mire qe historia ka treguar qe ajo qe shitet me zhurme te madhe si shpetim dhe shprese me probabilitet te larte sjell nje te keqe me te madhe.
Nga ana tjeter shpresoj dhe uroj qe ju ta kaloni kete dallge qe po ju vjen nga jashte!
Kur e gjitha kjo te mbaroje (ketu te dergoj edhe urimet e mia qe kjo situate te mbaroje nje ore e me pare), kujtoje “armikun” qe mund ta besh mik per te miren e Shqiperise ,
Me respekt
Amarildo Kaçaniku
PS: Do te me behej qejfi tme linit nje sinjal qe ky mesazh u lexua nga ju🤝