Presidenti i SHBA-së, Donald Trump, deklaroi se nuk do të vendosen tarifa për kalimin e anijeve nëpër Ngushtica e Hormuzit, as gjatë periudhës 60-ditore të armëpushimit dhe as pas përfundimit të saj.
Në një postim në rrjetet sociale, Trump theksoi se lundrimi në këtë korridor strategjik detar do të mbetet pa pagesë gjatë gjithë periudhës së armëpushimit.
“Nuk do të ketë tarifa me pagesë në Ngushticën e Hormuzit për 60 ditë gjatë periudhës së armëpushimit dhe nuk do të ketë tarifa as pas skadimit të kësaj periudhe”, shkroi ai.
Trump shtoi se përjashtim mund të ketë vetëm në rast se Shtetet e Bashkuara vendosin tarifa për shërbimet e sigurisë që ofrojnë në rajon, nëse marrëveshja nuk përfundon me sukses.
“Përveç nëse ato vendosen nga dhe për Shtetet e Bashkuara të Amerikës, nëse marrëveshja nuk përfundon, për shërbimet e ofruara si engjëll mbrojtës për vendet e Lindjes së Mesme, me qëllim rimbursimin e kostove si në të kaluarën, ashtu edhe në të tashmen dhe në të ardhmen”, deklaroi presidenti amerikan.
Deklarata vjen në një moment kur Ngushtica e Hormuzit mbetet një nga pikat më të rëndësishme për transportin global të naftës dhe gazit, ndërsa zhvillimet në rajon ndiqen me vëmendje nga tregjet ndërkombëtare dhe fuqitë botërore.