Një ngjarje e rëndë ka ndodhur mëngjesin e së enjtes në Lozhan të Maliqit.
Një polic është vrarë gjatë operacionit për kapjen e një personi në kërkim, teksa një tjetër efektiv ka mbetur i plagosur.
I plagosur ka mbetur edhe autori, person i cili ishte shpallur në kërkim. Autori është Violand Braçellari, i cili është dënuar në mungesë me 10 vite burg për prodhim dhe shitje narkotikësh. Viktima është identifikuar si Enea Mekolli, ndërsa efektivi i plagosur është Edison Adri, të dy pjesë e forcës së posaçme “Shqiponja”.
Personi që po ndiqej nga policia është identifikuar si Violand Braçellari, i cili dyshohet se ka hapur zjarr ndaj efektivëve gjatë ndërhyrjes. Mësohet se edhe Braçellari ka mbetur i plagosur gjatë përplasjes.
Burime pranë autoriteteve bëjnë me dije se gjendja shëndetësore e efektivit Edison Adri është e rëndë. Për shkak të plagëve të marra, po përgatitet transportimi i tij me helikopter drejt Tiranës.