Donald Trump ka njoftuar se do të heqë tarifat dhe kufizimet për uiskin dhe burbonin, si një gjest që ai e cilëson “në nder të Mbretit dhe Mbretëreshës”, pas vizitës së Mbretit Charles dhe Mbretëreshës Camilla në Shtetet e Bashkuara.
Menjëherë pas takimit të tyre në Shtëpinë e Bardhë, Trump reagoi në rrjetin e tij Truth Social, duke theksuar rëndësinë e bashkëpunimit tregtar mes SHBA-së dhe Mbretërisë së Bashkuar.
“Në nder të Mbretit dhe Mbretëreshës së Mbretërisë së Bashkuar, të cilët sapo kanë lënë Shtëpinë e Bardhë dhe së shpejti do të kthehen në vendin e tyre të mrekullueshëm, unë do të heq tarifat dhe kufizimet për uiskin që lidhen me aftësinë e Skocisë për t’u partnerizuar me Shtetin e Kentucky-t në sektorët e uiskit dhe burbonit, dy industri shumë të rëndësishme si në Skoci ashtu edhe në Kentucky”, shkroi Trump.
Ai shtoi se kjo çështje ka qenë prej kohësh në diskutim për shkak të tregtisë ndërkufitare, sidomos në përdorimin e fuçive prej druri.
“Mbreti dhe Mbretëresha më vunë të bëja diçka që askush tjetër nuk ishte në gjendje ta bënte, pa më pyetur fare! Është një nder i madh t’i kemi të dy në SHBA”, përfundoi ai.