Një aksident me pasojë vdekjen është regjistruar pasditen e sotme në aksin rrugor Fier-Seman.
Rreth orës 17:10, një automjet i drejtuar nga shtetasi A. K., 31 vjeç, është përplasur me një biçiklist, shtetasin B. Xh., rreth 65 vjeç.
Si pasojë e përplasjes, biçiklisti ka ndërruar jetë në vendngjarje.
Drejtuesi i automjetit është shoqëruar në komisariat nga shërbimet e Policia e Shtetit, ndërsa grupi hetimor po punon për zbardhjen e plotë të rrethanave të aksidentit.