Një banesë është përfshirë nga zjarri në lagjen nr. 10 në Korçë, duke shkaktuar momente paniku për familjen që jetonte aty.
Ngjarja ka ndodhur mëngjesin e sotëm, ndërsa sipas informacioneve paraprake, zjarri dyshohet të jetë shkaktuar nga një shkëndijë elektrike në kondicioner, e cila më pas ka përfshirë me shpejtësi të gjithë banesën.
Menjëherë në vendngjarje kanë mbërritur dy mjete zjarrfikëse, të cilat kanë bërë të mundur neutralizimin e flakëve dhe vënien e situatës nën kontroll. Për pasojë janë shënuar dëme të konsiderueshme materiale.
Fatmirësisht, familja ka arritur të dalë në kohë nga banesa, duke shpëtuar pa asnjë dëmtim.
Në vendngjarje ndodhet edhe policia, e cila po punon për zbardhjen e plotë të rrethanave të këtij incidenti, ndërsa bëhet me dije se nuk ka më rrezik për banesat përreth.