Banorët e prekur nga zjarri në kompleksin “Arlis”, në zonën e Farmacisë 10 në Tiranë, kanë nënshkruar sot një peticion me një sërë kërkesash drejtuar institucioneve dhe kompanisë ndërtuese.
Në fokus të kërkesave të tyre janë dëmshpërblimi i plotë, mbulimi i qirasë deri në rikonstruksionin e apartamenteve, si dhe garantimi i standardeve të sigurisë në kompleks.
Banorët kërkojnë gjithashtu që në Shqipëri të zbatohen normat europiane të sigurisë EN për instalimet elektrike, ujësjellësin, gazin dhe ashensorët, si dhe kontrolle periodike të detyrueshme për ndërtesat e banimit.
Peticionin e mbyllin me thirrjen për më shumë siguri dhe përgjegjësi institucionale, pas incidentit që la dhjetëra familje jashtë banesave të tyre.
PETICIONI I BANORËVE
Përshëndetje banorë të kompleksit Arli! Mendoj se kërkesat tona të përmbledhura, janë si më poshtë:
- Ekspertizë e pavarur dhe e detajuar teknike për të vlerësuar sigurinë e materialeve termoizoluese të përdorura në fasadë.
- Zëvendësimi i menjëhershëm i çdo materiali të rrezikshëm me materiale të certifikuara dhe rezistente ndaj zjarrit, sipas standardeve europiane.
- Audit i plotë i sistemit të mbrojtjes kundër zjarrit, përfshirë: sistemet e alarmit, pajisjet e fikjes së zjarrit, rrugët e evakuimit.
- Transparencë nga kompania ndërtuese, mbi materialet e përdorura dhe kontrollin e cilësisë gjatë ndërtimit.
- Përgjegjësi ligjore dhe administrative, nëse konstatohet neglizhencë apo shkelje e standardeve të sigurisë, për mos certifikimin e impianteve elektrike, etj.
- Zhdëmtimi i të gjithë banorëve dhe bizneseve të dëmtuara.
- Kontratat e porosisë të formalizohen pranë noterit.
- Apartamentet të rikthehen në gjendjen e mëparshme, sipas përmbajtjes së kontratës.
- Të sigurohet strehimi dhe të mbulohen shpenzimet e qirasë për banorët, apartamentet e të cilëve janë dëmtuar/djegur.
- Kompleksi të pajiset me hidrantë dhe fikse zjarri funksionale, pasi aktualisht kanë qenë jashtë funksionit…
Doja të shtoja që Normat e Sigurise Europiane EN, duhen përdorur tek ne si në çdo vënd Europian, psh:
Detytimi i Kontrollit të instalimeve, ujë, energji elektrike, gas, ashensor etj:
- Për gjithë instalimet e kryera, duhet certifikata Sigurie dhe garancie sipas standardeve evropiane..
- Duhet me vërtet një projektligj, që pas e shumta 20 vitesh të kryhet kontroll i detyrueshëm i gjendjes së gjithë instalimeve të kryera.
- Salvavita e detyrueshme për gjithë Instalimet elektrike qendrore dhe në çdo banesë.
- Matja e tokëzimit, i cili është pjesa me rëndësishme e të gjithë instalimeve elektrike.
Me respekt,
Banorët e pallatit “Arlis”
(Tiranë, zona “Farmacia 10”)