Një pallat është përfshirë nga flakët pasditen e kësaj të marte në Tiranë, përballë Spitali Nënë Tereza, duke shkaktuar panik dhe evakuim të menjëhershëm të banorëve.
Zjarri ka përparuar me shpejtësi, duke përfshirë pothuajse të gjithë ndërtesën dhe duke djegur fasadën e jashtme brenda pak minutash. Banorët kanë dalë me urgjencë nga pallati, ndërsa në pamjet e siguruara shihen nëna me foshnja në krahë dhe të moshuar që largohen mes tymit dhe flakëve.
Në vendngjarje ndodhen disa mjete zjarrfikëse që po punojnë për shuarjen e zjarrit dhe vënien nën kontroll të situatës. Deri tani, nuk dihen ende shkaqet e rënies së zjarrit.
Fatmirësisht, deri në këto momente nuk raportohen persona të lënduar, por dëmet materiale janë të konsiderueshme. Në terren ndodhet edhe Besfort Lamallari, i cili po ndjek nga afër situatën.